Акафист святителю Луке, исповеднику, Архиепископу Крымскому Северин Протоирей Георгий

Икос 1

Ангелов собеседниче и человеков наставниче, Луко преславный, подобно Евангелисту и апостолу Луке, емуже тезоименит сый, от Бога дар целити недуги человеческия приял еси, во врачевании болезней ближних, многия труды подъемля, и, плоть нося, о плоти не радел еси, делы добрыми Отца Небеснаго прославил еси. Темже благодарно во умилении зовем ти:

Радуйся, от юности разум свой игу Христову покоривый.

Радуйся, пречестное Святыя Троицы селение бывый:

Радуйся, блаженство милостивых, по Слову Господа, унаследовавый.

Радуйся, верою Христовою и знанием богодарованным многия недужныя исцеливый:

Радуйся, страждущих недугами телесными врачу милосердный.

Радуйся, во дни брани вождей и воинов исцелителю:

Радуйся, всех врачев наставниче.

Радуйся, скорый в нуждах и скорбех сущим помощниче:

Радуйся, Церкви Православныя утверждение.

Радуйся, земли нашея озарение:

Радуйся, крымския паствы похвало.

Радуйся, града Симферополя украшение:

Радуйся, святителю Крымский исповедниче Луко, врачу благий и милостивый.

Кондак 2

Видя в человецех во время врачеваний, аки в зерцале, премудрость и славу Творца всяческих Бога, к Нему духом выну возносился еси, богомудре, светом же богоразумия твоего и нас озари, да вопием купно с тобою: Аллилуиа.

Икос 2

Разум твой Божественными ученьми просветил еси, Луко всеславне, отвергнув всяко плотское мудрование, с разумом же и волю повинул еси Господеви. Подобен апостолом быв, тии бо по слову Христову: «Грядита по Мне, и сотворю вы ловца человеком» оставиша вся и по Нем идоша, и ты, святе, услышав зовущаго тя на служение Господа Иисуса чрез раба Своего архиепископа Ташкентского Иннокентия абие приемлеши священство в Церкви Православней. Сего ради, яко богомудраго наставника, тя ублажающе, воспеваем сице:

Радуйся, Ангела Хранителя увеселение.

Радуйся, яко того николиже опечалил еси:

Радуйся, во учении преспевавый и тем мудрецы мира сего удививый.

Радуйся, от творящих беззаконие уклонивыйся:

Радуйся, Божия Премудрости созерцателю и проповедниче.

Радуйся, истиннаго богословия златословесный учителю:

Радуйся, апостольских преданий блюстителю.

Радуйся, свеще, Богом возженная, мрак нечестия разгоняющая:

Радуйся, звездо, путь ко спасению показующая.

Радуйся, Православия ревнителю:

Радуйся, раскольников обличителю.

Радуйся, свидений и оправданий Господних возжадавый:

Радуйся, святителю Крымский исповедниче Луко, врачу благий и милостивый.

Кондак 3

Силою благодати Божия, еще во временней жизни приял еси дар, святе Луко, недуги целити, да вси, усердно притекающии к тебе недугов телесных и паче душевных исцеления сподобляются, вопия Богу: Аллилуиа.

Икос 3

Имея неусыпное попечение о спасении душ, вверенных тебе от Бога, Луко блаженне, пастырски к душеспасительной жизни, и словом и самым делом непрестанно наставлял еси. Сего ради приими от нашего усердия достойныя похвалы тебе:

Радуйся, Божия разума исполненный.

Радуйся, благодатию Духа Святаго преосененный:

Радуйся, нищеты Христовы подражателю.

Радуйся, пастырю добрый, уклоняющихся от веры православныя и блуждающих по горам суемудрия, взыскавый:

Радуйся, делателю винограда Христова, чад Божиих укрепляяй в истинной вере православней.

Радуйся, щите, защищаяй благочестие:

Радуйся, непоколебимое Православия основание.

Радуйся, твердый каменю веры:

Радуйся, душепагубного неверия и злотворного обновленчества обличителю и искоренителю.

Читать бесплатно другие книги:

Жизнь прекрасных танцовщиц кабаре «Медуза», любовь и ненависть, черная магия и вечная юность, загадо...
In one of September days the head of 5 “B” class receives a call from an overwhelmed mom of schoolgi...
Поворот ключа — и дверь открывается. Новый мир ожидает за порогом. Каждый отдельный рассказ похож на...
«Мы просто хотели жить сами по себе. Не становиться шестеренками общественного механизма. Но на Земл...
В романе «Во имя Разума» — невероятные путешествия во времени и пространстве, уникальное преобразова...
«Там, внутри меня» — фантастические заметки интроверта, ставшего свидетелем полета книг. Отправившис...