Акафистник. От недуг и горьких болезней Сборник
Предисловие
Акафист – жанр древний и одновременно очень молодой. Первый акафист был написан в Византии не позднее 626 г. (возможно, в VI в. или даже во второй половине V в.) и посвящен Богородице. Этот прекрасный гимн и сейчас можно увидеть почти в любом молитвослове. Позже были написаны и многие другие акафисты – Пресвятой Троице, Спасителю, Бородице, ангелам и святым. В наше время ежегодно появляются десятки новых акафистов на разных языках: церковнославянском, греческом, румынском, сербском, польском, украинском, французском и др. Едва ли не половина из существующих на сегодняшний день полутора тысяч акафистов были созданы за последние двадцать-тридцать лет.
Структура акафистов достаточно проста. Каждый текст состоит из 25 строф – кондаков и икосов. Кондаки (кроме первого) заканчиваются воззванием Аллилуия. Икосы содержат хайретизмы – обращения к святому, к Богородице или Спасителю, как правило, начинающиеся со слова Радуйся. Завершаются икосы рефреном (припевом) – хайретизмом, который повторяется во всех икосах, а также в первом кондаке. В первом акафисте Богородице (его иногда называют Великим акафистом) рефрен звучит так: Радуйся, НевестоНеневестная. У каждого акафиста – свой рефрен. После икосов и кондаков следует молитва (или две-три молитвы).
Акафисты хороши тем, что их можно петь всем храмом (конечно, для этого у каждого человека должен быть перед глазами текст). Обычно священник читает кондак, а миряне поют Аллилуия; затем священник читает первую часть икоса, а миряне поют хайретизмы и рефрен. Таким образом прихожане оказываются вовлечены в богослужение, а не остаются, как это часто бывает, лишь зрителями и слушателями.
В предлагаемом вашему вниманию сборнике содержится восемь акафистов: два – Богородице и шесть – святым.
На иконе «Целительница» изображен болящий клирик Викентий, которого исцеляет Пречистая Дева. Празднование в честь иконы совершается 18 сентября (1 октября по новому стилю). Акафист был одобрен Священным Синодом Русской Православной Церкви в 1994 году.
Пред иконой Богородицы «Неупиваемая Чаша» молятся об исцелении людей, больных алкоголизмом. День празднования этой иконе – 5 (18) мая. Текст акафиста был отредактирован членами рабочей группы по кодификации текстов акафистов и выработке норм акафистного творчества Издательского Совета Русской Православной Церкви и получил предварительное одобрение Священного Синода.
Св. Вонифатий первоначально вел распутную жизнь, однако уверовал во Христа и засвидетельствовал свою веру мученической кончиной († 290). Ему молятся об исцелении от недуга пьянства. День памяти мученика – 19 декабря (1 января). Акафист мученику Вонифатию был составлен священником Андреев Простосердовым, руководителем петроградского Свято-Вонифатьевского братства, издан в 1918 году по благословению священномученика Вениамина (Казанского), митрополита Петроградского, одобрен Синодом к общецерковному употреблению в 1994 году.
Чудеса святителя Спиридона Тримифунтского († ок. 348) известны с древности. Мощи святого находятся на острове Керкира (Корфу). Память ему празднуется 12 (25) декабря. Акафист святителю Спиридону был составлен священником Александром Цветковым и одобрен Святейшим Синодом в 1886 году.
Киево-Печерский преподобный Пимен († 1110), прозванный Многоболезненным, был болен с детства, но не стремился исцелиться, а, напротив, видел в своей немощи средство ко спасению. День его памяти – 7 (20) августа. Акафист преподобному Пимену составил поэт Александр Андриянов (1956–2009), который последние пятнадцать лет своей жизни был тяжело болен. Написанный им акафист напоминает нам о давней традиции русского духовного стиха.
К святителю Нектарию Эгинскому († 1920) обращаются с молитвой об исцелении от различных болезней, и прежде всего – от рака. День памяти святителя – 9 (22) ноября. В первом выпуске нашего сборника уже был помещен один акафист святому – его автором является протоиерей Артемий Владимиров. В этом выпуске находится другой акафист святителю Нектарию, составленный монахом Герасимом Микрагианнанитом (1905–1991), насельником Малого скита святой Анны на Афоне, официальным гимнографом Константинопольского Патриархата. Перевод акафиста на церковнославянский язык был выполнен в БогородицеСергиевой пустыни Марийской епархии и получил предварительное одобрение Священного Синода.
Святитель Лука (Войно-Ясенецкий), архиепископ Симферопольский († 1961), будучи практикующим хирургом, исцелял людей как благодаря своему врачебному искусству, так и силой молитвы – так же, как это делали и древние целители-бессребреники. Память святителя Луки – 29 мая (11 июня). Акафист святителю был написан в наши дни и издан по благословению митрополита Симферопольского и Крымского Лазаря в 2002 году.
СвященникФедорЛюдоговский
Икона Пресвятой Богородицы «Целительница»
Акафист Пресвятой Богородице в честь иконы Ее, именуемой «Целительница»
Кондак 1
Избранней от всех родов Пресвятей Деве Богородице, явившейся некогда клирику болящу, во еже исцелити его от болезни лютыя, похвальное приносим пение. Ты же, Всемилостивая Владычице, яко имущая державу непобедимую, от всяких бед и скорбей и болезней свободи ны, зовущия Ти:
Радуйся, Благодатная Целительнице душ и телес наших.
Икос 1
Архангел Гавриил, возвещая Пресвятей Деве Марии безсеменное зачатие от Нея Сына Божия, рече: «Радуйся, Благодатная, Господь с Тобою, благословенна Ты в женах»; мы же, грешнии, гласу Архангела подражати дерзающе, с верою, любовию и благоговением вопием пения сицевая:
Радуйся, от начала веков во главу нашего спасения предызбранная;
радуйся, многообразне от пророков предвозвещенная.
Радуйся, Невесто Неневестная, заченшая Сына от Духа Святаго;
радуйся, Мати, в рождестве и по рождестве пребывшая Дева.
Радуйся, Одеющагося светом, яко ризою, пеленами повившая;
радуйся, млеком питавшая горняя и дольняя благодатию Своею Питающаго.
Радуйся, на руку Твоею носившая Вседержителя;
радуйся, о Промыслителе всея твари попечение имевшая.
Радуйся, паче всех Сына Твоего возлюбившая;
радуйся, паче всех от Него превознесенная.
Радуйся, честнейшая и славнейшая без сравнения всех Небесных Сил;
радуйся, превышшая всякаго создания.
Радуйся, Благодатная Целительнице душ и телес наших.
Кондак 2
Видящи, Пресвятая Владычице, усердие и благоговение клирика Викентия, на всяк день преклоняющаго колена пред честным Твоим образом и архангельское приветствие Тебе приносящаго, прияла еси таковое его благоугождение и даровала еси ему во дни болезни внезапное и дивное со одра востание. Темже и мы преклоняем колена душ и телес наших пред цельбоносным Твоим образом, Госпоже наша Богородице, и поминающе чудное явление Твое клирику болящему, вопием Сыну Твоему и Богу нашему: Аллилуия.
Икос 2
Разумев чудесное исцеление от тяжкаго недуга, клирик Викентий воста с убогаго ложа своего, иде в церковь и тамо песньми хвалебными прослави Тя, Целительницу всех болящих. Приими убо и от нас, Мати Божия, сия благохваления:
Радуйся, от врат смертных неисцельно болящих к жизни возвращающая;
радуйся, сострадания к страждущим преисполненная.
Радуйся, пораженных различными недуги чудесно исцеляющая;
радуйся, во всяких скорбех и печалех небесную отраду в сердца наша изливающая.
Радуйся, в христианских добродетелех преуспети нам помогающая;
радуйся, любовию к Богу и ближним нас воодушевляющая.
Радуйся, от растлевающих душу и тело соблазнов мира сего сохраняющая;
радуйся, скорая услышательнице усердно Тебе молящихся.
Радуйся, источающая великия милости и щедроты любящим Тя;
радуйся, уповающим на Тя вся потребная в животе сем дарующая.
Радуйся, ублажающих Тя в грозный час смерти не оставляющая;
радуйся, почитающих Тя жизни вечныя сподобляющая.
Радуйся, Благодатная Целительнице душ и телес наших.
Кондак 3
Силою данною от Тебе, Госпоже Царице и Владычице, святая икона Твоя источает неоскудно исцеления страждущим от недуг многоразличных, с несумненною верою к ней притекающим, Богу же вопиющим: Аллилуия.
Икос 3
Имущи премногую любовь к роду христианскому и Матернее о нем попечение, всем просящим у Тебе помощи и заступления всякое благое прошение скоро исполняеши; сего ради Тебе, всемощней Заступнице и скорой Помощнице нашей, приносим похвалы сия:
Радуйся, скорбящих утешение;
радуйся, безнадежных надеждо.
Радуйся, труждающихся помощь и укрепление;
радуйся, нищих одеяние.
Радуйся, алчущих питательнице;
радуйся, обидимых и гонимых заступнице.
Радуйся, обидящих устрашительнице;
радуйся, в христианской вере наставнице.
Радуйся, взыскание погибших;
радуйся, споручнице спасения грешных.
Радуйся, Благодатная Целительнице душ и телес наших.
Кондак 4
Бури страстей и похотей, и искушений бесовских избави нас, Премилосердная Богородице, укрепи и сохрани в нас до конца жизни нашея веру православную и преданность Святей Церкви, да возможем невозбранно пети Господу Богу: Аллилуия.
Икос 4
Слыша Господь на небеси Твоя о нас моления, Преблагая Владычице, исполняет скоро всякое прошение Твое. Ведуще таковое Матернее дерзновение к Сыну Твоему, Господу нашему Иисусу Христу, вси к Тебе прибегаем и усердно молим Тя: предстательствуй о нас, многогрешных рабех Твоих, пред Всемогущим Создателем нашим, да не погубит нас со беззаконьми нашими, но да подаст нам оставление прегрешений, вопиющим Тебе из глубины души:
Радуйся, предстательнице наша пред Богом, мир от бед спасающая;
радуйся, Сына Твоего на милость к нам недостойным преклоняющая.
Радуйся, от запаления огненнаго росою молитв Твоих избавляющая;
радуйся, удары молнии и грома от главы нашея отводящая.
Радуйся, юродивую мудрость века сего посрамляющая;
радуйся, путь спасения заблудшим показующая.
Радуйся, грешным к Богу дерзновение дарующая;
радуйся, изнемогающим в напастех, скорбех и искушениих скоро помогающая.
Радуйся, в посте, молитве и богомыслии пребывающим присно спребывающая;
радуйся, блага земная, суетная и скоропреходящая презирати нас научающая.
Радуйся, к небесным и вечным сокровищем умы и сердца наша возводящая;
радуйся, единое на потребу избирати научающая.
Радуйся, Благодатная Целительнице душ и телес наших.
Кондак 5
Свет небесный озари храмину болящаго клирика, егда предстала еси, Преблагая Владычице, даровати ему исцеление от лютаго недуга. О Пресвятая Госпоже Богородице, просвети помраченныя многими грехми души наша и подаждь исцеление болезнующим телесем нашим, да, прославляюще Твоя милости, вопием радостно Богу: Аллилуия.
Икос 5
Видяще Тя, Владычицу Богородицу, пред огнезрачным Престолом Троицы стоящу и за христиан молящуюся, небесныя силы и вси святии от века Богу угодившии немолчными славословиями ублажают Тя. Мы же, грешнии, на земли, любовию к Тебе подвизаемии, дерзаем воспевати Тебе сице:
Радуйся, Матернею любовию весь мир христианский объемлющая;
радуйся, молитвами Твоими к Сыну Твоему и Богу нас спасающая.
Радуйся, изрядная споборнице ведущим брань противу искушений мирских и душевредных;
радуйся, наставнице целомудрия и воздержания.
Радуйся, всех прибегающих под кров Твой приемлющая;
радуйся, от всякия злобы и вражды миром и любовию ограждающая.
Радуйся, подвижников благочестия к горнему Иерусалиму путеводительнице;
радуйся, душепагубных ересей и расколов искоренительнице.
Радуйся, скорая в бедах и печалех Утешительнице;
радуйся, всех верных благая Заступнице.
Радуйся, Благодатная Целительнице душ и телес наших.
Кондак 6
Проповедует Святая Православная Церковь множество чудес Твоих и великия Твоя милости, Преблагая Владычице, яко грады и веси ограждаеши, обители иноческия и жилища благочестивых рабов защищаеши, обидимых заступаеши и вся благая и душеполезная низпосылаеши всем прославляющим Тя и поющим Сыну Твоему: Аллилуия.
Икос 6
Светло красуется зде, Госпоже Богородице, чудотворная Твоя икона, именуемая Целительница, прогоняющи от всех верных тьму искушений и напастей и обильно исцеления источающи. Сего ради во умилении зовем Ти:
Радуйся, от неисцельных болезней скорое исцеление подающая;
радуйся, от всяких бед и скорбей избавляющая.
Радуйся, греховныя страсти укрощающая;
радуйся, колеблющихся в вере православней укрепляющая.
Радуйся, утешение благодатное в сердца боголюбивая изливающая;
радуйся, надеждою небесных благ верных души услаждающая.
Радуйся, в добрых делех преуспевати нам помогающая;
радуйся, от видимых и невидимых враг нас защищающая.
Радуйся, благодатию Твоею падших возставляющая;
радуйся, страх Божий в сердца наша вселяющая.
Читать бесплатно другие книги:
