Акафист святителю Спиридону, Тримифунтскому чудотворцу Сборник

Икос 1

От юности украшенный всеми добродетельми, житием своим Ангелом подражавый, ты, святителю Спиридоне, воистинну показался еси друг Христов; мы же, зряще тя, небеснаго человека и земнаго ангела, со благоговением умильно вопием ти:

Радуйся, уме, созерцаяй тайны Пресвятыя Троицы; радуйся, обогативыйся Духа пресветлым осиянием.

Радуйся, светильниче многосветлый; радуйся, ум твой безстрастием просветивый.

Радуйся, измлада истинную простоту и безмолвие возлюбивый; радуйся, украшение целомудрия.

Радуйся, любве неистощимая струя; радуйся, яко страннолюбию Авраама подражал еси.

Радуйся, яко всем любвеобильно входы дома своего отверзал еси; радуйся, нищих предстателю.

Радуйся, пред нимже благоговеют людие; радуйся, яко ты еси обиталище Пресвятаго Духа.

Радуйся, Спиридоне, предивный чудотворче!

Кондак 2

Видяще остров Кипр и вся христианския страны нетленныя мощи твоя, святителю, от нихже истекают обильная исцеления, возрадовашася; и мы, почтающе тя яко преобильнаго источника благодати, низпосланнаго свыше нам, вопием к верховному Подателю небесных и земных благ: Аллилуиа.

Икос 2

Разум Божественный имый, аще сый пастырь безсловесных овец, ты произволением Пастыреначальника Христа избран был еси в пастыря овец словесных. Вернии же, разумевше тя добраго пастыря, неусыпно о стаде своем пекущагося, воспеваху:

Радуйся, архиерее Бога Вышняго, в хиротонии восприявый обильно Божественную благодать; радуйся, светильниче многосветлый, горяй и светяй.

Читать бесплатно другие книги:

В данный сборник вошли истории, которые произошли со мной во время службы в ОВД. Читайте эту книгу и...
План Джонаса Армстронга, графа Хейвуда, прост: вернуться в Лондон, найти там богатую невесту и спаст...
Чересчур ранний и непродолжительный брак Джорджии закончился катастрофой – ее мужа убили на дуэли, и...
Этот случай показал ему, что за все в этом мире приходится платить. А за случайный секс – убытку воо...
Для тех, кто хотя бы раз задумывался о Вселенной…Маленькие смешные рассказы из серии о демиургах, о ...
Учение Джуал Кхула. Книга 10. Пересмотр ведущих научных теорий и толкования природных явлений. Абсол...