Акафист Пресвятой Богородице в честь иконы Ее «Нечаянная Радость» Сборник

Икос 1

Ангели и праведных души удивишася, егда предстала еси пред Сыном Твоим и Богом и многим молением ходатайствовала еси о человеце, присно во гресех пребывающем; мы же, очима веры толикое Твое благоутробие зряще, со умилением взываем Ти сице:

Радуйся, молитвы всех христиан приемлющая; радуйся, и самых отчаянных грешников моления не отвергающая.

Радуйся, к Сыну Твоему о них предстательствующая; радуйся, нечаянную радость спасения им подающая.

Радуйся, предстательством Твоим весь мир спасающая; радуйся, вся наша печали утоляющая.

Радуйся, Мати всех Бога, озлобленных души утешающая; радуйся, житие наше добре устрояющая.

Радуйся, избавление от грехов всем человеком принесшая; радуйся, Радость всему миру родившая.

Радуйся, нечаянную радость верным дарующая.

Кондак 2

Видящи Пресвятая человека, аще и беззаконна, но на всяк день с верою и упованием пред честною Ея иконою долу повергающагося и Архангельское приветствие Ей приносящаго, внят и таковаго грешника славословию, да вси, зряще Ея Матернее милосердие, на Небеси и на земли вопиют Богу: Аллилуиа.

Икос 2

Разум человеческий воистину превосходит любовь Твоя к роду христианскому, яко и тогда не престала еси от ходатайства Твоего о человеце беззаконном, егда Сын Твой показа Тебе язвы гвоздиныя, грехи человеческими Ему содеянныя. Зряще Тя толико неотступную Предстательницу за нас, грешных, со слезами вопием Ти:

Радуйся, Заступнице усердная рода христианскаго, от Бога нам дарованная; радуйся, Путеводительнице наша, к Небесному Отечеству нас возводящая.

Радуйся, верных ограждение и прибежище; радуйся, помоще всех, призывающих имя Твое святое.

Читать бесплатно другие книги:

Случайное обнаружение бесценного старинного клада в деревне близ Смоленска в июне 1941 года ставит п...
Действие происходит на стыке двух тысячелетий (1975-2014 гг), рубеж ХХ и ХХI веков. В романе – это в...
В монографии описаны результаты исследования оценочной деятельности учителя средней школы в советски...
К чему может привести случайное знакомство сыщика и привлекательной девушки? Конечно, к предложению ...
Представьте себе мир, заселённый не только нами. Мир, который очень похож на наш, но одновременно со...
В третий выпуск серии научных трудов исторического факультета МПГУ вошли статьи преподавателей, аспи...